我唔知自己捱唔捱得住，情緒壓力已到了頂點。
經歷左兩三年數冚數生涯，我終於都要走上絕路了。
如果無財仔數嘅你，而又想借嘅，我勸你回頭是岸，千祈唔好開始第一次。
條數愈來愈大鑊，就係因為中介。
經歷過嘅話都明，當你唔夠找時，佢就會好似救世主咁，四圍幫你搵會攞數，最後愈滾愈多，期數愈來愈短。如果得你自己，你都未必有本事搵到咁多間財仔。
之後愈來愈難借，現有會未供完又局住續數，去到後期，根本就係續完都無乜錢攞走，但就要由第一期開始供過，如是者，…爆煲。
我唔知黎緊會有咩事發生係我身上，已向身邊個交代左。有時諗，如果佢哋追數唔覺意整死左我，或者幫我推一推我落樓，可能係件好事。
與其繼續數冚數，不如由佢爆，因為你過到今個月都過唔到下個月。而下個月，條數又會繼續加大。
我已經唔敢落街，唔想見人，唔想再過呢啲生活。好想離開呢個咁痛苦嘅世界，過去幾年，無過過正常人生活，瞓唔好，食唔落，搵錢還錢，跑數還錢，無生活無朋友，咁做人仲有乜意義？死左都仲要累人累物。
點解欠，欠幾多，欠邊間已經唔係重點。
呢啲人生，真係無意義。
而家由跑數生涯進入追數生涯，同樣係活係壓力內疚驚恐之中，都扣左底，都收左咁多息，都還左咁多次，你爆起上黎，無人會體諒你，拖長黎還，還到邊個想走？
日日無限恐嚇短訊，來電幾百個，上門拍門，貼街招，活著都不像真正活著。
每日起身/返緊工/臨瞓前，每分每秒都諗緊聽日點樣借錢黎冚數真係一件好折磨既事。真係每一日都諗緊點樣死，點樣交代自己感受同點樣道歉。
因為欠債走頭無路已經唔敢返屋企，每日只係打比屋企人問下佢哋有無事。自己一個人，無人可以講，同父母講又怕佢哋擔心多樣嘢，朋友唔敢講，可能因為咁，好易諗埋一邊。
同埋希望有打算借財仔嘅人真係要諗清楚，本身你以為可以搞掂嘅嘢，可能到最後好多原因不知不覺變得更嚴重。
打緊字嘅我，呢刻係間得張床大少少嘅劏房連燈都唔敢開。
日日周圍跑比人查家宅，大半日時間，跑完尖沙咀唔得再去旺角，再唔得又去返尖沙咀，油麻地，旺角。
一事無成，生意失敗，而家仲要累到身邊人。我人生真係好失敗，如果我走左我家人可以有返平靜日子，我願意換。但我老豆咁岩打比我，叫我萬事小心，喊住話陪我一齊捱過，叫我唔好千祈做傻事，我係條街行左一晚。
我真係想跳，不過驚累到人，又怕家人見到自己甩皮甩骨，所以我都買左炭。
我就係無朋友講，個心好絕望，情緒好差。
如果我一早承認失敗，唔高估自己還錢能力，唔數冚數，而家都唔洗搞成咁。
我知衰，知錯，知自己累人。
只係呢個世界無如果。
我一直左驚右驚，晚晚瞓唔著，又驚屋企人知，又驚打去公司，又驚上門，每個月做到隻狗咁都唔夠還，仲要lunch time或請假去跑數。
日日要諗點跑數找數
做人真係好攰
上到二線由要比人盤問玩電話
真係一啲尊嚴都冇
有時候真係諗點解自己會搞成咁？？？
我好想瞓著
但真係瞓唔著
一瞓醒就要諗點找數
又要用唔同藉口同家人朋友同事借錢
我好想瞓著以後唔會再醒
我真係好想
我真係好想咁
依家真係好痛苦
邊個會明白我感受
我想還
我真係想還清
但真係還唔起
只能靠續數去延遲問題發生
求求你比我中埋依鋪
我真係唔想賭
但係唔賭聽日條數又找唔到
真係好痛苦
好後悔浪費左十年光陰
人生就好似一直幫財務打工
依啲日子幾時先會停呀！！！
我逼到自己好緊
個個月要還十幾萬
人工得幾萬
加上工作時間長
真係好大壓力
我就嚟爆啦！！！
有時候真係諗死咗佢就唔駛咁煩
但我。。。
真係冇依個勇氣
唉，日日要找數日子真係唔係人過
見到電話一響
個心離一離
手掌即刻濕哂
求求你比啲時間我
我依家真係冇
唔好再迫我啦求求你
我都唔想再借
因為無錢無得揀
有頭髮邊個想做瘌痢
誰會明白我感受
由借錢果一刻，銀行數，一線大財，一線細財，二線財，扣底財，黑財，電話數，一直越借越墮落，但我真係冇得簡。
有時間覺得自己真係好渺小
要翻身真係好渺茫
真係好迷惘